- Abenduaren 5etik 8ra arte 200 kultur ekitaldi baino gehiago egongo dira Durangoko Azokako zazpi guneetan. Musika Eskolan jarduerak antolatuko dira lehen aldiz, Gogoetaren Plaza eta DA! PRO ekimena kasu.

- 264 erakusmahai egongo dira Landakon, 405 nobedaderekin: 273 liburu, 91 disko, 16 aldizkari... Lehenengo aldiz 30 urtez, erakusmahaiak berriztuko dira, eta, ondorioz, Landakoko irudia aldatuko da.

Lehen aldiz, Spotify zerrenda publiko bat osatu du Durangoko Azokak, abenduaren 5etik 8ra arte eskuratu ahal izango diren musika-nobedadeekin. 49 abestik osatzen dute, eta astero kanta berriak gehituko zaizkio.

Abenduaren 7an "Apaiz-kartzela" dokumentalaren "work in progress" emanaldia izango da Irudienean. Zuzendariekin batera, preso egondako apaizak ere bertaratuko dira, omenaldia jasotzeko.

Landako gunea bor-bor izango dugu abenduaren 5etik 8ra arte. Urtero bezala, bertan batuko dira dozenaka erakusmahai, aurtengo nobedade nagusiekin: liburuak, diskoak, ipuinak, biniloak, ikus-entzunezkoak, egutegiak, saiakerak... Azokako bisitariak hamaika produktu topatuko ditu bertan.

54. edizioko kartela aurkeztu zuen atzo Durangoko Azokak. Bigarren urtez, sortzaile gazte batek egin du kulturaren plazaren irudia. Txakur Gorria Sormen Kolektiboaren lekukoa Oier Zuñiga (Iruñea, 1986) artistak hartu du. Iruindarrak prentsaurrekoan azaldu zuenez, Azokako ekosistema islatzen saiatu da kartelean.