Urriaren 1etik 15era zabalik egongo da aurkezpen proposamenak bidaltzeko galdetegia.


Areto Nagusiko egitaraua urteko nobedade eta lanen aurkezpenekin osatzen da. Horrez gain gogoetarako eta eztabaidarako antolatzen diren mahainguru eta solasaldiek ere tarte garrantzitsua izaten dute hemen.

20 minutuko aurkezpenak egiteko aukera dago.

50 ikuslerentzat lekua du aretoak. Aurkezpenetarako oinarrizko azpiegitura honakoa da: ordenagailua, mikrofono eta atrila, pantaila eta mahai-aulkiak. Hortik gorakoak, proposamena luzatzen duenaren esku daude.

Lehentasuna euskarazko lanek izango dute.

Kontuan izan: eskaria luzatzeak ez duela lekua ziurtatzen. Areto Nagusiko arduradunen baieztapena beharrezkoa izango da.

Durangokoko Azokako ekitaldi nagusien gunea da. Bertan liburuen aurkezpenak, prentsaurrekoak, solasaldiak… antolatzen dira. Erakusmahaietan salgai dauden nobedadeen, ikerlanen eta bestelakoen azalpenak izaten dira azoka egunetan.

Era berean, gogoetarako espazioa ere bihurtzen da eguneko ordu batzuetan. Euskal Herrian pil-pilean dauden kultur gaien inguruko mahainguru, elkarrizketa, performance-ak izaten dira hausnarketarako eta eztabaidarako tartea emanez.

Non: Landako Gune barruan.
Koordinatzailea: Gerediaga Elkartea